«Սրան ստիպելով, ականջները քաշելով ենք բերելու բանակցության սեղանի մոտ». Աշոտ Ասատրյան

Ռազմական վերլուծաբան Աշոտ Ասատրյանը ֆեյսբուքյան իր էջում գրել է. «Անկախ ամեն ինչից՝ ադրբեջանական կողմը չի փոխում իր գործելաոճն ու նախատեսվող հանդիպումից առաջ կրկին ամեն գնով լարում է իրավիճակն առաջնագծում այն հույսով, որ դրանով կարող է ազդել հանդիպման ընթացքի վրա: Այսինքն այն հույսով, որ Հայաստանի ներկայացուցիչը պետք է անհանգստանա, որ Ադրբեջանը կարող է թելադրող լինել սեղանի շուրջ, քանի որ ինքը լարված իրավիճակի պատասխանատուն է: Չնայած՝ երկու դրվագով որևէ հաջողության չհասավ, քանի որ առաջինի դեպքում չկարողացավ գոնե մեկ նոր դիրք կառուցել մեր դիրքերին մոտիկ, որպեսզի հետագայում դա ներկայացնի «նոր տարածքների ազատագրում»: Հետո արդեն Ֆիզուլիի հատվածում մեր վրա մի հատ դիակ ա թողնում ու սա այն ժամանակահատվածում, երբ վերջին շրջանում միշտ խուսափում էր պաշտոնական զոհերի մասին տեղեկություն տրամադրելուց, բայց այս անգամ բավականին ուշ ժամի հայտնում է դրա մասին: Խաղաղության նախապատրաստվելն Ալիևն ինչպես միշտ հասկանում է այնպես, ինչպես իրեն ձեռք է տալիս: Այդ «կիրթ» մարդը, ինչպես նրան բնութագրել էր Փաշինյանը, իրականում արնախում անասուն է, ով մեկ օրվա մեջ պատրաստ է երկու տարբեր ուղղություններով հազարավոր զինվորների կյանք զոհել ու նրանք իր համար որևէ արժեք չեն ներկայացնելու:

Հիմա կարևորը մեկն է, որ հայկական կողմը հանկարծ սրա վարած քաղաքականության կտերը չուտի, իբր՝ սահմանին իրավիճակ կլարի: Է ջհանդամին լարես, դրան զուգահեռ գնա գերեզմանի նոր տարածքներ փորի: Սրան ստիպելով, ականջները քաշելով ենք բերելու բանակցության սեղանի մոտ: Մի քիչ բարդ բան ա, բայց որ շատ ցանկանանք, կանենք»: