«Դրանք թուրքից բեթար են». Արման Աբովյան

ԱԺ «Բարգավաճ Հայաստան» խմբակցության պատգամավոր Արման Աբովյանը ֆեյսբուքյան իր էջում գրել է. «Ինչ վերաբերում է վերջին իրադարձություններին բանակում (Մեղրիի միջադեպը կամ իրար վրա կրակելը), ապա կարող եմ ասել միայն երկու բան.
1.Անկախ ամեն ինչից, անպայման և անվերապահորեն, պետք է խստագույնս պատժվեն բանակում կրիմինալ բարքեր սերմանողները, իրենց հետ պետք է նաև, ԱՆՊԱՅՄԱՆ, պատժվեն այն սպաները, ովքեր փակում են իրենց աչքերն այդ աննորմալության վրա, անպայման, պատժվեն մինչև իրական «բանտի» դուռը։
2. Հիմա սպասելի ակտիվություն կցուցաբերեն նաև ազգադավ թափթփուկները, որոնք կսկսեն, այս թեմաները օգտագործելով, վարկաբեկել հայոց բանակը և հայ զինվորի սուրբ առաքելությունը։ Ա՛յ սրանք հազարապատիկ ավելի վտանգավոր են, քան յուրաքանչյուր բանակային «յախշին»։ Թույլ չտաք, որ թշնամին, օգտագործելով ազգադավ դավաճանների «շուխուռը», թուլացնի մեր իսկ վերաբերմունքը մեր բանակի հանդեպ։ Հիշե՛ք մի բան՝ այն մարդիկ, ովքեր կփորձեն սուտի պացիֆիզմ կամ հակաարցախյան տրամադրություններ քարոզել այս միջադեպերի ֆոնի վրա, դրանք թուրքից բեթար են։ Վե՛րջ»։