«Այս օրը զարմանալի զուգադիպությամբ կատարվել են մի ամբողջ շարք մեծ իրադարձություններ». Սեյրան Գրիգորյան

Գրականագետ Սեյրան Գրիգորյանը ֆեյսբուքյան իր էջում գրել է. «Ինչ օր է ապրիլի 2-ը:

Մարդկության և հայ ժողովրդի պատմության մեջ այս օրը զարմանալի զուգադիպությամբ կատարվել են մի ամբողջ շարք մեծ իրադարձություններ․

1. Մ.թ.ա. 47 թ. ապրիլի 2-ին է Հուլիոս Կեսարը ասել․ «Եկա, տեսա, հաղթեցի»․
2.1453 թ. ապրիլի 2-ին թուրք սուլթան Մեհմեդ II-ը սկսում է Կոստանդնուպոլսի պաշարումը, որն ի վերջո ավարտվում է Բյուզանդական կայսրության խորտակումով․
3.1725 թ․ ապրիլի 2-ին է ծնվել իտալացի արկածախնդիր գրող Ջակոմո Կազանովան․
4.1805 թ. ապրիլի 2-ին ծնվել է դանիացի հեքիաթագիր Հանս Քրիստիան Անդերսենը․
5.1848 թ․ ապրիլի 2-ին է անհետացել Խաչատուր Աբովյանը․
6.1896 թ. ապրիլի 2-ին Արևմտյան Հայաստանի Բագառիճ գյուղում ծնվել է Սողոմոն Թեհլիրյանը․
7. Առաջին անգամ 1912 թ․ ապրիլի 2-ին է ծով դուրս եկել անգլիական «Տիտանիկ» նավը․
8.1990 թ. ապրիլի 2-ին Երևանում հիմնադրվել է Հայաստանի հանրապետական կուսակցությունը․
9.2016 թ. ապրիլի 2-ի գիշերը սկսվեց Քառօրյա պատերազմը, որի ընթացքում զոհվեցին հարյուրից ավելի հայ զինվորներ․
10.2017 թ․ ապրիլի 2-ին կայացան Հայաստանի Ազգային ժողովի ընտրություններ։ Հայաստանի հանրապետական կուսակցությանը ձայն տվեցին 770 441 ընտրողներ։
«Հաղթողները» մեծ հրավառությամբ խլացրին հարյուրից ավելի զոհերի մահվան մեկ տարին նշող ծնողների լացը։ Այդ օրը փաստացի դարձավ նաև Հայաստանի հանրապետական կուսակցության բարոյական
մահվան օրը՝ անխուսափելի դարձնելով համազգային հեղափոխությունը»։