«Կյանք ու կռիվ» խորագիրը կրող միջոցառմանը մասնակցում էր նաև Քյարամ Սլոյանի եղբայրը

327

Երեքշաբթի, 02 ապրիլի, 2019 թ., 17:50

Գորիսում տեղի է ունեցել «Կյանք ու կռիվ» խորագիրը կրող միջոցառում՝ նվիրված քառօրյա պատերազմի 3-րդ տարելիցին: Միջոցառմանը մասնակցել են զոհվածների ընտանիքների անդամները՝ Սիսանից, Կապանից, Գորիսից, ինչպես նաև Քյարամ Սլոյանի եղբայրը, ով այժմ ժամկետային զինծառայող է: Միջոցառման նպատակն էր՝ ընդգծել հայրենիքի պաշտպանի առաքելության կարևորությունը, երախտապարտ լինել այն զինվորներին, ովքեր իրենց կյանքը նվիրաբերեցին հանուն մեր երկրի և նրանց, ովքեր այսօր էլ ամուր կանգնած են հայրենիքի սահմաններին, նաև մեծարել հերոսածին մայրերին ու ընտանիքներին:

Քառօրյա պատերազմում զոհված սյունեցիներն են՝
Արմեն Հովհաննիսյան
Էդուարդ Ալեքսանյան
Սեդրակ Ասրյան
Գագիկ Փարսադանյան
Արմեն Գասպարյան
Սերգեյ Դանղյան
Եղիշե Նիկալյան
Կարո Համբարձումյան
Մայիս Միրզոյան
Արմեն Բեգլարյան
Դավիթ Սարգսյան
Նարեկ Մկրտչյան
Նորայր Գասպարյան