Միհրան Պողոսյանը քաղաքական ապաստան է խնդրել Ռուսաստանից

ԴԱՀԿ ծառայության նախկին պետ, ԱԺ նախկին պատգամավոր Միհրան Պողոսյանը, ով օրերս ձերբակալվել էր Ռուսաստանում իրավապահների կողմից, դիմել է այդ երկրի իշխանություններին՝ քաղաքական ապաստան ստանալու խնդրանքով: Որոշումը կայացնելու է Ռուսաստանի Դաշնության նախագահին կից հանձնաժողովը: Պողոսյանի փաստաբան Միխայիլ Յամչիտսկու կարծիքով՝ «դրա համար բավարար հիմքեր կան, քանի որ հայրենիքում նրան հետապնդում են քաղաքական մոտիվներով»: