«Բացառիկ երևույթ է, երբ մի քանի սերունդների խիզախումը հատվում է մեկ կետում». Աշոտ Ղուլյան

Արցախի Հանրապետության ԱԺ նախագահ Աշոտ Ղուլյանը ֆեյսբուքյան իր էջում գրել է. «Եռատոնն ամբողջացրեց մեր մայիսյան հաղթանակների բույլը. բացառիկ երևույթ է, երբ մի քանի սերունդների խիզախումը հատվում է մեկ կետում: Ազգային արժանապատվությունն ամեն գնով պաշտպանելու ձգտումը հային հասցրեց Բեռլին, ազատեց Շուշիի բարձունքը և ծնունդ տվեց ազգային բանակի, որի քաջարի զինվորները երեկ, այսօր ու վաղը կանգնած են միասնական Հայրենիքի պաշտպանության դիրքերում: Փա՛ռք բոլոր ժամանակների հայ զինվորին, որի անցած փառավոր ուղին, այսօրվա պատրաստվածությունն ու մարտական ոգին մեր նոր հաղթանակների հուսալի գրավականն է»: