Երկուշաբթի, 23 փետրվարի, 2026 թ.
|
Ստեփանակերտում`   +5 °C

Դավիթ Տոնոյանը` ԵԱՀԿ ՄԽ համանախագահների հայտարարության մասին

Դավիթ Տոնոյանը` ԵԱՀԿ ՄԽ համանախագահների հայտարարության մասին
488
Ուրբաթ, 31 մայիսի, 2019 թ., 14:45

ՀՀ պաշտպանության նախարար Դավիթ Տոնոյանը, մեկնաբանելով ԵԱՀԿ Մինսկի խմբի համանախագահների երեկվա հայտարարությունը, ասել է. «Փորձում են վստահության մթնոլորտ ստեղծել, մենք խնդիր չունենք, զինված ուժերն ապահովում են այդ վստահությունը, որ Հայաստանի ժողովուրդը վստահ լինի»: Անդրադառնալով ադրբեջանական ԶՈւ-ի՝ առանց հայկական կողմին տեղյակ պահելու անցկացրած վերջին զորավարժություններին, Դավիթ Տոնոյանը հավելել է. «Ոչ միայն մեր կողմին, այլև միջազգային հանրությանը պետք է տեղյակ պահեին, որը որ չեն կատարել: Դա պարտավորություն է, որը պետք է կատարվի համապատասխան կարգով»:

Քաղաքագետ Կարեն Բեքարյանն այսօր անդրադարձել էր ԵԱՀԿ Մինսկի խմբի համանախագահների հայտարարությանը: «Ուշագրավ է հետևյալ հատվածը.
«…Մայիսի 28-ին համանախագահները հանդիպել են Լեռնային Ղարաբաղի փաստացի իշխանությունների հետ, այնուհետև Լեռնային Ղարաբաղի ադրբեջանական համայնքի ղեկավարի հետ…»:

Փաստենք, մենք չենք կարողացել Արցախին լիարժեք ձևով վերադարձնել բանակցային գործընթաց, փոխարենը՝ Ադրբեջանի ջանքերով համանախագահները կիրառում են արդեն «Լեռնային Ղարաբաղի ադրբեջանական համայնքի ղեկավար» արտահայտությունը:

Էլ ի՞նչ ձևով ասենք, որ սթափվե՛ք պարոնայք, և ավելի լավ է հանգիստ նստեք տեղներդ, քան առանց ռիսկերը նախապես հաշվարկելու ինչ-ինչ գործողություններ ձեռնարկեք»,- գրել էր Բեքարյանը:

«Ղարաբաղի ադրբեջանական համայնք, այդպիսի բան գոյություն չունի՝ ո՛չ քաղաքական, ո՛չ իրավական տեսանկյունից»,- հարցազրույցներից մեկում ասել էր Լեռնային Ղարաբաղի նախագահի աշխատակազմի ղեկավարի տեղակալ Դավիթ Բաբայանը: