Երեքշաբթի, 25 հունիսի, 2019 թ.
|
Ստեփանակերտում`   +22 °C

«Բժիշկները համաձայնություն չեն տվել Մանվել Գրիգորյանին «Նաիրի» ԲԿ-ից տեղափոխել ՔԿՀ»․ Գրիգորյանի պաշտպան

«Բժիշկները համաձայնություն չեն տվել Մանվել Գրիգորյանին «Նաիրի» ԲԿ-ից տեղափոխել ՔԿՀ»․ Գրիգորյանի պաշտպան
62
Երեքշաբթի, 04 հունիսի, 2019 թ., 14:45

«Բժիշկները չեն տվել համաձայնություն Մանվել Գրիգորյանին «Նաիրի» ԲԿ-ից տեղափոխել քրեակատարողական հիմնարկ։ Այս մասին այսօր մամուլի ասուլիսի ժամանակ հայտարարել է նախկին պատգամավոր Մանվել Գրիգորյանի պաշտպան Լևոն Բաղդասարյանը։

«Ոչ միայն չեն տվել համաձայնություն, այլ նաև պարտադիր պայման են դրել, որ անձը պետք է գտնվի 24 ժամ բժիշկների հսկողության տակ և, միանշանակ, պետք է բուժումը ստանա ստանցիոնար բժշկական կենտրոնում»,- նշել է նա։

Պաշտպանի խոսքով՝ Մանվել Գրիգորյանը ցանկանում էր իր հարազատների միջոցների հաշվին ստանալ բուժում, ոչ թե՝ պետության․ «Եվ նման պայամաններում, հակառակ անձի կարծիքին նրան տեղափոխել «Դատապարտյալների հիվանդանոց» ՔԿՀ․․․, սա ուղղակի արգելված է միջազգային իրավանորմով․ դա մարդու իրավունքների կոպիտ խախտում է»,- ընդգծել է Բաղդասարյանը։

Գրիգորյանի պաշտպանական խումբը բողոք է ներկայացրել Արդարադատության նախարարություն՝ երեկ տեղի ունեցած դեպքի վերաբերյալ․ «Հետամուտ ենք լինելու երեկվա գործողությունների հետ կապված օրենքով սահմանված կարգով և չարգելված եղանակով բոլոր միջոցները սպառել պետական ատյաններում և միջազգային գերատեսչություններում»,- եզրափակել է Մանվել Գրիգորյանի պաշտպանը։