«Դոդի Գագոն 14 պատգամավորներին ստիպել է հրաժարվել մանդատներից, որպեսզի ջարդարար Շերիֆին բերի ԱԺ». Հմայակ Հովհաննիսյան

Քաղաքագետների միության նախագահ Հմայակ Հովհաննիսյանը ֆեյսբուքյան իր էջում գրել է. «Ես հայտարարել եմ 1-ին լրատվականի կայքում, որ 2012-ին Դոդի Գագոն 14 ընտրված պատգամավորներին շանտաժի ու ֆիզիկական բռնության սպառնալիքով ստիպել է հրաժարվել մանդատներից, որպեսզի կարողանա մարտի 1-ի հայտնի ջարդարար՝ այն ժամանակ ներքին զորքերի հրամանատար Շերիֆին բերել ԱԺ և օժտել անձեռնմխելիությամբ, և ի՞նչ: Ոչինչ: Մարդը հրապարակավ հայտարարում է հանցագործության մասին, որը կապված է Մարտի 1-ի գործը պարտակելու հետ, իսկ իրավապահ մարմինները խուլ են և համր: Իրականում սա ոչ այլ ինչ է, քան անցումային անարդարություն, որի վերջը չի երևում...»: