Ձերբակալություններ` Վակունիս համայնքի ղեկավարին ծեծի ենթարկելու քրգործի շրջանակներում

Արցախի Հանրապետության ոստիկանության ֆեյսբուքյան էջում գրված է. «Ձերբակալություններ՝ Քաշաթաղի շրջանի Վակունիս համայնքի ղեկավարին ծեծի ենթարկելու վերաբերյալ հարուցված քրեական գործի շրջանակներում. սույն թվականի հունիսի 5-ին հաղորդագրություն էինք տարածել Քաշաթաղի շրջանի Վակունիս համայնքի ղեկավար 1984թ. ծնված Է. Զ-ին ծեծի ենթարկելու և մարմնական վնասվածքներ պատճառելու վերաբերյալ։ Դեպքի առթիվ ԱՀ ոստիկանության քննչական վարչությունում հարուցվել է քրեական գործ ԱՀ քրեական օրենսգրքի 337-րդ հոդվածի 1-ին մասով՝ իշխանության ներկայացուցչի նկատմամբ բռնություն գործադրելը։ Քաշաթաղի շրջանի Բերձոր քաղաքի բնակիչ՝ 1976թ. ծնված Կ. Ս-ն և ՀՀ Աբովյան քաղաքի բնակիչներ՝ 1980թ. ծնված Ա. Ա-ն և 1975թ. ծնված Ա. Ե-ն ձերբակալված են։ Նախաքննությունը շարունակվում է»։