«Ինչո՞ւ պառկեցի դատարանի առջև». Վարդգես Գասպարի

Քաղաքացիական ակտիվիստ Վարդգես Գասպարին ֆեյսբուքյան իր էջում գրել է. «Ինչո՞ւ պառկեցի դատարանի առջև... Ի սկզբանե ակցիա անելու մտադրություն չունեի, գնացի դատարան պայքարի ընկերներին տեսնել-հանդիպելու... Սակայն տեղում ոչ ոքի չհանդիպեցի, բացի մի քանի լրագրողներից... Դատարանի առջև, իհարկե, կային մարդիկ՝ 1-2 տասնյակ հոգի՝ առանձնապես աչքի ընկնող ամրակազմ, միջին տարիքի և երիտասարդ անձինք... Շուտով իմացա՝ սպանության մեջ մեղադրվող Գեղամ Պետրոսյանի շրջապատից են, ինչը բնական պիտի ընկալվեր... Մարդիկ հետաքրքրքված են, եկել են թեկուզ սատարելու իրենց մերձավորին... Բայց ինչո՞ւ միայն այդ կոնտինգենտը՝ մերձավորների մեջ կանայք, ավելի մեծեր և ավելի փոքրեր չկա՞ն... Ես այստեղ նկատեցի որոշակի կոնտինգենտի դոնոր դերակատարությունը հասարակական հնչեղություն ունեցող նաև այս գործում... Եվ, ի հակադրություն դրա, պառկեցի դատարանի առջև՝ Հայաստանի Հանրապետության քաղաքացու դոնոր լինելը ցուցադրելու համար... Այոʹ, Հայաստանում այլևս իրավիճակ թելադրողը ոչ թե մուսկուլավորների խմբերն են լինելու, այլ՝ բարեկիրթ, օրինապահ քաղաքացիները»: