Երեքշաբթի, 18 հունիսի, 2019 թ.
|
Ստեփանակերտում`   +16 °C

Հաղպատի վանատունը վերածվել է մոխրակույտի

Հաղպատի վանատունը վերածվել է մոխրակույտի
116
Կիրակի, 09 հունիսի, 2019 թ., 12:15

Ինչպես արդեն հայտնել ենք, երեկ ուշ երեկոյան խոշոր հրդեհ է բռնկվել Լոռու մարզի Հաղպատ վանական համալիրի տարածքում: Դեպքի վայր էր մեկնել ԱԻՆ ՓԾ հրշեջ-փրկարարական ջոկատից չորս մարտական հաշվարկ: Հրդեհը մեկուսացվել է ժամը 21:00-ին: Հրդեհի պատճառով վանատունը՝ վանքին կից կացարանն, ամբողջովին վերածվել է մոխրակույտի:

Shamshyan.com-ը տեղեկություններով՝ հրշեջներին օգնության ձեռք են մեկնել նաև Ալավերդու քաղաքապետարանի աշխատակիցները, ոստիկանության Թումանյանի բաժնի ծառայողները: Թե ինչն է եղել հրդեհի պատճառը, դեռևս հայտնի չէ:

Հաղպատը, որ կառուցվել է 10-13-րդ դարերում, Սանահինի վանքային համալիրի հետ միասին հանդիսանում է ՅՈՒՆԵՍԿՕ-ի համաշխարհային ժառանգության օբյեկտ: