Ուրբաթ, 26 դեկտեմբերի, 2025 թ.
|
Ստեփանակերտում`   -1 °C

«Հայտնի ուժերը միլիարդավոր դոլարներ են ծախսում հայկական ազդեցությունն ամբողջ աշխարհում նվազեցնելու համար». ՀՀ վարչապետ

«Հայտնի ուժերը միլիարդավոր դոլարներ են ծախսում հայկական ազդեցությունն ամբողջ աշխարհում նվազեցնելու համար». ՀՀ վարչապետ
556
Երեքշաբթի, 18 հունիսի, 2019 թ., 10:00

«Նոր ժամանակներում պետք է նորովի դիտարկենք և նորովի գնահատենք «Հայաստան» համայակական հիմնադրանի աշխատանքները և տեսնենք նաև մեդալի հակառակ կողմը»,-«Հայաստան» համահայկական հիմնադրամի հոգաբարձուների խորհրդի տարեկան ժողովի ժամանակ ասաց ՀՀ վարչապետ Նիկոլ Փաշինյանը:

Վարչապետը ելույթի ընթացքում նշեց մի քանի դրույթներ, որոնք բացասական ազդեցություն են ունեցել և շարունակում են ունենալ հայկական ներուժի վրա. «Ամեն տարի մենք ուրախությամբ նշում ենք, որ հիմնադրամի շրջանակներում գումար է հանգանակվում, և դա, իհարկե, լավ է, բայց դրսում, ուրիշների մոտ հարց է ծագում. սա՞ է հայկական ներուժը, հայկական ներուժը սա՞ է, որ ամբողջ աշխարհում հավաքվում է 15 մլն դոլար, և դրա համար ուրախանո՞ւմ են:

Ուզում եմ ընդգծել, որ հայկական ներուժի դեմ ձեզ և մեզ հայտնի ուժերը տարեկան միլիարդավոր դոլարներ են ծախսում հայակական ազդեցությունն ամբողջ աշխարհում նվազեցնելու համար, և գալիս են պահեր, որ մենք ինքներս երբեմն հայակական ներուժին, իմիջին հարվածելու համար երբեմն ակամա շատ ավելի մեծ «աշխատանք» ենք անում, քան անում են մեր հակառակորդները»,-ասաց Փաշինյանը:

Վարչապետը նշեց, որ բացի ներքին դրսևորումները շատ կարևոր է նաև, թե մեր գործողություններն ինչպիսի ազդեցություն, տպավորություն են թողնում դրսի հանրության շրջանում:

Կարդացե՛ք նաև