Ուրբաթ, 19 հուլիսի, 2019 թ.
|
Ստեփանակերտում`   +18 °C

Քննարկվել են զինծառայողների սննդի որակի և սննդակարգում նոր մթերքների ընդգրկման հարցեր

Քննարկվել են զինծառայողների սննդի որակի և սննդակարգում նոր մթերքների ընդգրկման հարցեր
115
Երկուշաբթի, 01 հուլիսի, 2019 թ., 20:50

ՀՀ պաշտպանության նախարարի հանձնարարականի համաձայն՝ ՊՆ մարդու իրավունքների և բարեվարքության կենտրոնի պետ, գնդապետ Ալեքսանդր Ավետիսյանն օրերս այցելել է Արմավիրի ուսումնական բրիգադ, ծանոթացել քաղաքացիական կազմակերպությունների կողմից սննդի մատուցման պայմաններին, սննդի որակին: Այս մասին հայտնում են ՊՆ տեղեկատվության և հասարակայնության հետ կապերի վարչությունից:

Այցելության ընթացքում գնդապետ Ավետիսյանը հանդիպում է ունեցել զորամասի հրամանատարության և սննդի մատակարարումն իրականացնող կազմակերպության ներկայացուցիչների հետ, քննարկել պարտադիր ժամկետային զինծառայողների սննդի ապահովման օրական չափաքանակի վերանայման, սննդակարգում նոր մթերքների, մասնավորապես՝ մրգի և բանջարեղենի չափաբաժնի մեծացման հնարավորությունը:

Սննդի որակի վերաբերյալ քննարկումներ են անցկացվել նաև զորամասի պարտադիր ժամկետային զինծառայողների հետ, դիտարկվել նրանց առաջարկները: Ընհանուր առմամբ՝ զինծառայողները գոհ են մատուցվող սննդի որակից և սննդակարգում արդեն իսկ կատարված փոփոխություններից:

Այցի արդյունքները ներկայացվել են ՀՀ պաշտպանության նախարարին: