«Քննարկեք մեր միջնորդությունը և անհապաղ ազատ արձակեք Մանվել Գրիգորյանին». պաշտպան

Այսօր Մանվել Գրիգորյանի և նրա կնոջ՝ Նազիկ Ամիրյանի դատական նիստին չի ներակայացել ԱԺ նախկին պատգամավոր Մանվել Գրիգորյանը, նա «Նաիրի» ԲԿ-ում է, ըստ հիվանդանոցից ստացած գրության՝ նա այսօրվա նիստին չի մասնակցել ելնելով առողջական վիճակից:

Ընթացող դատական նիստի ժամանակ Գրիգորյանի պաշտպան Լևոն Բաղդասարյանը միջնորդություն ներկայացրեց Մ. Գրիգորյանի խափանման միջոցի վերաբերյալ:

Բաղդասարյանի պնդմամբ՝ Գրիգորյանի առողջական վիճակը վատթարացել է և կալանքի հետ անհամատեղելի է:

«Կա՛մ անձը պետք է տեղափոխվի արտասահման բուժման, կա՛մ կալանքը փոխվի և տնային պայմաններում փորձեն անել հնարավորը: Քննարկեք մեր միջնորդությունը և անհապաղ ազատ արձակեք Մանվել Գրիգորյանին: Կարող եք որպես խափանման միջոց կիրառել տասը միլիոն դրամ գրավը»:

Դատարանն ընդմիջում հայտարարեց, որ մեղադրող կողմը ծանոթանա միջնորդությանը: