«Չի կարող ներգաղթ իրականանալ մի երկրում, որի գլխավոր հերոսներն արտագաղթող են եղել». Պարույր Հայրիկյան

ԱԻՄ առաջնորդ Պարույր Հայրիկյանը ֆեյսբուքյան իր էջում գրել է. «Հանրային (այդ թւում նաեւ ազգային) կեանքում կարեւորագոյն դերակատարութիւն ունենում են օրինակները։ Ես դա իմ անձնական հարուստ, գերհարուստ փորձով գիտեմ։ Չի կարող ներգաղթ իրականանալ մի երկրում, որի գլխաւոր հերոսներն արտագաղթող են եղել եւ չկայ մի իրական կերպար, (բացառութեամբ Սարոյեան եղբայրներ» շարժանկարի «ԵՍ ԳԱՂԹԱԿԱՆ ՉԵՄ ԴԱՌՆԱՅ» խօսքերով կեանքին հրաժեշտ տուող գեղարուեստական կերպար Սարոյեանը), որ դժուարութիւնների նկատմամբ անտրտունջ նախընտրի ամեն գնով լինել Հայրենիքում։ Չես կարող հայրենասիրութիւնը ապրելակերպ ու մտածելակերպ դարձնել, երբ այսօր «ԼԱՒԱԳՈՅՆՆ» ՀԱՄԱՐՈՒՈՂ ԵՐԻՏԱՍԱՐԴՆԵՐՆ ՀԱՆԴՈՒՐԺՈՒՄ ԵՆ՝ «Եթէ բան չստացուի, կը գնամ արտասահման» խօսքերը։ Չես կարող պայքարի տրամադրել մարդկանց, երբ այդ պայքարն ընկալւում է առաւելագոյնը որպէս ԻՇԽԱՆԱԿԱՆ ԼԾԱԿՆԵՐԻ ՏԻՐԱՊԵՏՈՒՄ․․․ Օրինակներ ու կերպարներ է պէտք ունենալ, դրանք մատուցել ու գործն արդէն ինքստինքեան կարուի։ Եւ չենք կարող ազգային կեանքում յաջողութիւններ ունենալ, եթէ ՄԱՀԸ (անձնազօհ կամ շարքային մահը՝ բոլորս էլ պիտի մահանանք) մատուցւում է որպէս օրինակելի երեւոյթ եւ մոռացութեան է մատնւում ԱՊՐԵԼՈՒ ԵՒ ԱՊՐԵՑՆԵԼՈՒ ՀՐԱՄԱՅԱԿԱՆԸ․․․ ԱՐՑԱԽ»: