Շաբաթ, 07 դեկտեմբերի, 2019 թ.
|
Ստեփանակերտում`   -1 °C

«Լճի ծաղկման գործընթացը նահանջել է, բայց դա չի նշանակում, որ խնդիրը լուծված է». Բարդուղ Գաբրիելյան

«Լճի ծաղկման գործընթացը նահանջել է, բայց դա չի նշանակում, որ խնդիրը լուծված է». Բարդուղ Գաբրիելյան
856
Չորեքշաբթի, 17 հուլիսի, 2019 թ., 14:15

«Սևանա լճի ծաղկման գործընթացը նահանջել է, բայց դա չի նշանակում, որ խնդիրը լուծված է». հուլիսի 17-ին լրագրողների հետ հանդիպմանն ասել է Կենդանաբանության և հիդրոէկոլոգիայի գիտական կենտրոնի տնօրեն Բարդուղ Գաբրիելյանը: Անդրադառնալով Սևանա լճում ձկնատեսակների քանակների ուսումնասիրություններին՝ նա նշել է, որ կառավարությունը կրճատել է դրա ֆինանսավորումը: Դա բացատրվել էր նրանով, որ իրենց կենտրոնի ուսումնասիրությունների հանդեպ թերահավատ են:

«Եթե մենք վստահելի չենք, ինչո՞ւ է կառավարությունն ամեն հարցով մեզ դիմում: Թող գնան թվերը իրենց մասնագետներից հարցնեն, ինչո՞ւ են մեզնից հարցնում: Մենք մինչ այսօր ինչ կանխատեսել ենք, բոլորը կատարվել է: Դա է ամենալավ ապացույցը, որ մեր ներկայացված տվյալները հիմնավոր են»:

Ըստ կենտրոնի տնօրենի՝ կառավարությունն իրենց 7,5 միլիոն դրամ է տրամադրել: Սակայն դա կենտրոնում քիչ են համարել և ստիպված այլ նախագծերից ու խնայված միջոցներ են ներդրել՝ լիարժեք ուսումնասիրություն կատարելու համար: Միևնույն ժամանակ, կառավարության առջև պարբերաբար ֆինանսների ավելացման հարց են բարձրացրել, սակայն գործադիրում որոշել են, որ «եթե քիչ է ուրեմն՝ ընդհանրապես չեն տա»:

Բարդուղ Գաբրիելյանի խոսքով՝ մեկ շաբաթ առաջ շրջակա միջավայրի նախարար Էրիկ Գրիգորյանն ասել է, թե գումար չտալու հարցում «փոշմանել են» և դրա համար արդեն մրցույթ են հայտարարելու: