Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Ինչպե՞ս կարելի է զինվորի մահվան լուրը էս դաժանությամբ հաղորդել ընտանիքին». Ժաննա Ալեքսանյան

«Ինչպե՞ս կարելի է զինվորի մահվան լուրը էս դաժանությամբ հաղորդել ընտանիքին». Ժաննա Ալեքսանյան
812
Չորեքշաբթի, 24 հուլիսի, 2019 թ., 17:35

Իրավապաշտպան Ժաննա Ալեքսանյանը ֆեյսբուքյան իր էջում գրել է. «Հայաստանի քննչական կոմիտեն արտառոց հաղորդագրություն է տարածել այսօր՝ մահացած զինծառայող Վոլոդյա Գալոյանին դարձնելով հանցագործ և ինքնասպան միաժամանակ:

Ինչպես է հասցրել քննչական կոմիտեն մի քանի ժամում պարզել բոլոր հանգամանքները և ամեն ինչ բարդել շարքային զինծառայողի վրա, դա արդեն երևակայության խնդիր է: Ինչպե՞ս կարելի է զինվորի մահվան լուրը էս դաժանությամբ հաղորդել ընտանիքին: Հենց իրենց տարածած հաղորդագրությունը խիստ խոցելի է, 4 ժամում 50 մետր հեռավորության վրա գտնվող զինվորին չեն հայտնաբերել: Իսկ ի՞նչ էր անում զորամասի ղեկավարությունն այդ ընթացքում: Պաշտպանության նախարար Դավիթ Տոնոյանը պարտավոր է շտապ մեկնել տվյալ զորամաս և հանրությանը բացատրություններ տալ տեղի ունեցածի վերաբերյալ: Ինչքա՞ն կարելի է բոլոր մեղքերը բարդել շարքային զինծառայողների վրա և այսքան հեշտությամբ»: