«Իրականացվում են միջոցառումներ՝ գերեզմանաքարերն իրենց նախկին տեսքին վերադարձնելու ուղղությամբ». Արտակ Դավթյան

420

Շաբաթ, 03 օգոստոսի, 2019 թ., 14:45

Օգոստոսի 3-ին «Եռաբլուր» այցի ժամանակ ՀՀ ԶՈՒ գլխավոր շտաբի պետ Արտակ Դավթյանը հայտարարել է, որ փորձելու են այնպես անել, որպեսզի հետագայում բացառվեն շիրիմները պղծելու դեպքերը: «Մեր կողմից իրականացվում են միջոցառումներ՝ գերեզմանաքարերն իրենց նախկին տեսքին վերադարձնելու ուղղությամբ: Պաշտպանության նախարարության կողմից էլ լրացուցիչ միջոցառումներ են իրականացվում՝ նման դեպքերը բացառելու, հսկողությունն ուժեղացնելու ուղղությամբ»,- նշել է ՀՀ ԶՈՒ գլխավոր շտաբի պետը:

Ա. Դավթյանը համոզմունք է հայտնել, որ քրեական գործի շրջանակում մեղավորները կհայտնաբերվեն և կպատժվեն: