Մարտի 1-ի գործով սպանության մեջ մեղադրվող Գեղամ Պետրոսյանն ազատ է արձակվել

304

Կիրակի, 04 օգոստոսի, 2019 թ., 20:05

«Մարտի 1»-ի գործով Զաքար Հովհաննիսյանի սպանության մեջ մեղադրվող ՀՀ ոստիկանության զորքերի հրամանատարի նախկին տեղակալ Գեղամ Պետրոսյանն այսօր ազատ է արձակվել «Երևան–Կենտրոն» քրեակատարողական հիմնարկից:

Լրագրողների հետ զրույցում Գ․ Պետրոսյանն ասել է, որ իր փաստաբանը խոստացել է մեկ ամսվա ընթացքում իր վրայից հանել մեղադրանքը։

Հիշեցնենք, որ Ոստիկանության զորքերի շտաբի պետի տեղակալ Գեղամ Պետրոսյանը ձերբակալվել էր 2008-ին հրազենի գործադրմամբ Զաքար Հովհաննիսյանին դիտավորությամբ կյանքից զրկելու կասկածանքով։

Գեղամ Պետրոսյանին մեղադրանք է առաջադրվել ՀՀ քրեական օրենսգրքի 104 հոդվածի 1-ին մասի հատկանիշներով: