Ուրբաթ, 22 սեպտեմբերի, 2023 թ.
|
Ստեփանակերտում`   +20 °C

«Գեղարքունիքը կարող է դառնալ հիանալի ամառային և ձմեռային արշավախմբերի համար վայր». Կարեն Հովհաննիսյան

«Գեղարքունիքը կարող է դառնալ հիանալի ամառային և ձմեռային արշավախմբերի համար վայր». Կարեն Հովհաննիսյան
302
Կիրակի, 11 օգոստոսի, 2019 թ., 01:05

Ռազմագետ Կարեն Հովհաննիսյանը ֆեյսբուքյան իր էջում գրել է. «Հայաստանը տարածքով փոքր է, բայց դեռևս լիովին բացահայտված չէ ո՛չ զբոսաշրջիկների համար, ո՛չ ներդրողների համար, ո՛չ էլ առավել ևս հենց մեզ համար, ովքեր բնակվում են Հայաստանում:
Հենց ասեմ Գեղարքունիքի մարզ, իսկույն բոլորը կպատկերացնեն Սևանա լիճը, որի մեջ արտացոլվում են շուրջբոլորը պար բռնած լեռները: Բայց Գեղարքունիքը շատ գաղտնիքներ ունի, անգամ գաղտնիք ունի Սևանա լիճը: Իմ հայրենի Գեղարքունիքը բացահայտելու համար տարիներ են պետք, մարդկանց հետ շփվել է պետք, նրանց մատնանշած վայրերը հասնել է պետք: Գեղարքունիքը կարող է դառնալ հիանալի ամառային և ձմեռային արշավախմբերի համար վայր, այն կարող է տարին 12 ամիս զբոսաշրջիկ ընդունել ու անվերջ ցուցադրել, ցուցադրել և ցուցադրել... Ներդրումների համար... Թերևս ալպիական հարթավայրերը հիանալի էկո վայր են էկո տուրիզմ զարգացնելու համար, անասնապահություն զարգացնելու համար, իսկ կլիմայական բացառիկ պայմանների շնորհիվ այստեղից կարելի է մայրաքաղաքին, ինչու չէ, ողջ աշխարհին մատակարարել թարմ միրգ և հատապտուղ, այն դեպքում, երբ դրանք ասենք ցածրադիր վայրերում վերջացել են մայիս-հունիս ամիսներին: Գեղարքունիքը, որը եղել է արքաների և իշխանների նստավայր մի ամբողջ պատմություն դեռ գաղտնի է պահում, մի ամբողջ նախաքրիստոնեական ժամանակահատված այստեղ կարելի է ուսումնասիրել... Գեղարքունիքի բացահայտման համար լավ բան եմ մտածել, տեսնենք որքանով կհասցնեմ գլուխ բերել...»: