Չորեքշաբթի, 21 օգոստոսի, 2019 թ.
|
Ստեփանակերտում`   +26 °C

Թուրքիայի ու Նախիջևանի միջև օդային ուղիղ հաղորդակցություն կգործի

Թուրքիայի ու Նախիջևանի միջև օդային ուղիղ հաղորդակցություն կգործի
78
Երկուշաբթի, 12 օգոստոսի, 2019 թ., 14:45

Օգոստոսի 15-ից Թուրքիայի և Նախիջևանի միջև կգործի օդային ուղիղ հաղորդակցություն. այս մասին հաղորդել է Թուրքական օդանավակայանների պետական մարմնի (DHMİ) գլխավոր տնօրեն Հուսեյն Կեսկինը՝ Twitter-ի իր էջում գրառում կատարելով:
Նրա խոսքով՝ DHMİ-ի և Քաղաքացիական ավիացիայի միջազգային կազմակերպության (ICAO) միջև երկար բանակցությունների ընթացքում Թուրքիայի օդանավակայանների և Նախիջևանի միջազգային օդանավակայանի միջև օդային ուղիղ հաղորդակցությունը բացելու որոշում է կայացվել:
«Այսպիսով, թռիչքները, որոնք իրականացվում էին Իրանի ու Հայաստանի օդային տարածքով, իրականացվելու են Թուրքիայի և Ադրբեջանի միջև ուղիղ օդային միջանցքի շնորհիվ»,- գրել է Հուսեյն Կեսկինը: