Երկուշաբթի, 23 փետրվարի, 2026 թ.
|
Ստեփանակերտում`   +4 °C

Գերմանիայի նախագահը ներողություն է խնդրել Երկրորդ համաշխարհային պատերազմում Գերմանիայի կողմից պատճառված արհավիրքների համար

Գերմանիայի նախագահը ներողություն է խնդրել Երկրորդ համաշխարհային պատերազմում Գերմանիայի կողմից պատճառված արհավիրքների համար
434
Կիրակի, 01 սեպտեմբերի, 2019 թ., 14:35

Պատմաբան Ռուբեն Շուխյանը սոցկայքի իր էջում գրել է. «Գերմանիայի նախագահ Ֆրանկ-Վալտեր Շտայնմայերն այսօր լեհական Վելյուն քաղաքում՝ Երկրորդ աշխարհամարտի 80-ամյա տարելիցի կապակցությամբ կազմակերպված միջոցառումների ժամանակ, ներողություն խնդրեց Երկրորդ համաշխարհային պատերազմում Գերմանիայի կողմից պատճառված արհավիրքների համար:

«Գերմանիան երբեք չի մոռանա իր պատասխանատվությունը Երկրորդ աշխարհամարտի հանցագործությունների համար: Ես խոնարհվում եմ Վելյուն քաղաքի վրա հարձակման զոհերի հիշատակի առջև: Ես խոնարհվում եմ գերմանական բռնակալության տարիների բոլոր լեհ զոհերի առջև: Ես ներողություն եմ խնդրում այդ ամենի համար»,- ասել է Շտայնմայերը գերմաներեն և լեհերեն:

«1939-ի սեպտեմբերի 1-ին հենց Վելյունից սկսվեց պատերազմական հանցագործությունների, ատելության և բռնությունների դժոխքը: Վելյուն քաղաքի ռմբահարումը՝ դա գերմանական օդուժի ահաբեկչական գործողություն էր: Դրանով սկսվեց ատելության և բռնարարքների այն մեծ ալիքը, որը պետք է ոչնչացներ Լեհաստանը և լեհական մշակույթը, որպեսզի ճանապարհ բացվեր մարդկության ցնորհամիտ գաղափարների համար, որով փորձ արվեց հպատակեցնել ողջ եվրոպական աշխարհամասը»,- նշել է Շտայնմայերը»: