Հինգշաբթի, 19 սեպտեմբերի, 2019 թ.
|
Ստեփանակերտում`   +21 °C

«Բերանները ջուր լցրած հետևում էին, թե ինչպես է բռնաբարվում երկրի սահմանադրությունը». Տիգրան Գրիգորյան

«Բերանները ջուր լցրած հետևում էին, թե ինչպես է բռնաբարվում երկրի սահմանադրությունը». Տիգրան Գրիգորյան
482
Շաբաթ, 07 սեպտեմբերի, 2019 թ., 09:05

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Մեծ Բրիտանիայում վարչապետ Բորիս Ջոնսոնի եղբայր Ջո Ջոնսոնը հրաժարական է տվել նախարարի պաշտոնից և հայտարարել, որ չի մասնակցելու հաջորդ խորհրդարանական ընտրություններին, քանի որ գաղափարական տարաձայնություններ ունի իր եղբոր հետ։ Նկատեք, որ Բորիսը որևէ հանցագործություն չի կատարել, նրանք պարզապես տարբերվող պատկերացումներ ունեն Բրեքսիթի վերաբերյալ։

Այս կապակցությամբ հիշեցի 2017-ը, երբ Բակո Սահակյանը նախագահ մնալու համար որոշել էր փոխել Արցախի սահմանադրությունը, անցնել այն կարմիր գիծը, որը մինչ այդ ոչ ոք չէր հանդգնում անցնել։ Ոչ մի նախարար հրաժարական չտվեց։ Ավելին, եղան մարդիկ, որոնք մեծ ուրախությամբ ու պատրաստականությամբ պաշտոններ ընդունեցին Սահակյանից այդ հանցագործությունից հետո։ Իսկ քաղաքացիական հասարակության մի շարք ներկայացուցիչներ բերանները ջուր լցրած հետևում էին, թե ինչպես է բռնաբարվում երկրի սահմանադրությունը, քանի որ Բակո Սահակյանի համար աշխատող ընկերներ կամ բարեկամներ ունեին»։