«Ադրբեջանում ձերբակալված հայազգի ամուսինները հավանական է՝ ազատ կարձակվեն». Գագիկ Համբարյան

Քաղաքագետ Գագիկ Համբարյանը ֆեյսբուքյան իր էջում գրել է. «Ադրբեջանում ձերբակալված հայազգի ամուսինները հավանական է՝ ազատ կարձակվեն. Ադրբեջանի բռնապետ Իլհամ Ալիևի գրպանային ԶԼՄ-ները տեղեկացնում են, որ երկու օր առաջ Ադրբեջանի Գյոյգյոլի շրջանի Չայքենդ (Գետաշեն) գյուղում ձերբակալված հայազգի ամուսինները, հավանական է, պրոֆիլակտիկ զրույցից և որոշ ուսումնասիրություններից հետո, ազատ կարձակվեն...
Հիշեցնեմ, որ հայազգի ամուսիններին ազերի իրավապահները ձերբակալել էին, երբ ստացել էին տեղեկություններ, որ վերջիններս լուսանկարներ են անում նախկինում հայերով բնակեցված գյուղում, որը կասկածելի էր թվացել տեղի բնակիչներին... Ազերի իրավապահները հայազգի ամուսինների ձերբակալությունից հետո պարզել են, որ վերջիններս ՌԴ քաղաքացիներ են և որպես զբոսաշրջիկներ ժամանել են Գյանջա...
Մինչև հիմա ազերի իրավապահները չեն պարզաբանում ձերբակալվածների անունները և տարիքը...
Հուսանք՝ Բաքվում ՌԴ դեսպանատունն օպերատիվ կգործի, և հայազգի ամուսինները շատ արագ կլքեն Ադրբեջանը...
Հ.Գ. Զարմանալին այն է, որ մեր շատ հայրենակիցներ, հատկապես ՌԴ-ից, տարրական անգրագետ են և շարունակում են այցելել Ադրբեջան, չհասականալով, որ նույնիսկ այլ երկրի քաղաքացի լինելով նրանց ֆիզիկական գոյությունն այդ երկրում վտանգված է...»: