Կիրակի, 22 սեպտեմբերի, 2019 թ.
|
Ստեփանակերտում`   +12 °C

«ՀԱՊԿ հիմնարար փաստաթղթերում չկա դրույթ, որ պետություններն իրավունք չունեն զենք վաճառել երրորդ պետության». ԱԳ փոխնախարար

«ՀԱՊԿ հիմնարար փաստաթղթերում չկա դրույթ, որ պետություններն իրավունք չունեն զենք վաճառել երրորդ պետության». ԱԳ փոխնախարար
36
Երեքշաբթի, 10 սեպտեմբերի, 2019 թ., 12:35

Այսօր խորհրդարանում ՀԱՊԿ կանոնադրությունում փոփոխություններ կատարելու մասին երկրորդ արձանագրությունը վավերացնելու մասին նախագիծը քննարկելիս «Բարգավաճ Հայաստան» խմբակցության պատգամավոր Միքայել Մելքումյանը ԱԳ նախարարի տեղակալ Շավարշ Քոչարյանից հետաքրքրվեց, թե ի՞նչ է արվում ՀԱՊԿ անդամ երկրների կողմից Ադրբեջանին զենքի վաճառքն արգելելու համար:

«ՀԱՊԿ հիմնարար փաստաթղթերում, ցավոք, չկա դրույթ, որ պետություններն իրավունք չունեն զենք վաճառել երրորդ պետության, որը սպառնում է անդամ պետություններին: Այսինքն՝ միջազգային իրավունքի տեսակետից որևէ բան չեն խախտում, բայց մենք ելնում ենք այն հանգամանքից, որ այն հարաբերությունները, որ կան ՀԱՊԿ-ում, ուրեմն՝ ներսում հարաբերությունները պետք է այլ ոճի լինեն, հետևաբար՝ այն պարտավորությունները, որ կան ներսում, պետք է գերակա լինեն»,- ասաց Շավարշ Քոչարյանը:

Մելքումյանն էլ իր հերթին նկատեց. «Ճիշտ չի՞ լինի, որ մենք գնանք այն ուղղությամբ, որ նախապատրաստենք այնպիսի մի իրավական ակտ ՀԱՊԿ-ի շրջանակներում, որ որոշ զինատեսակներ, ելնելով պրակտիկայից, որ օգտագործվում են ՀԱՊԿ անդամ մի երկրի կողմից մյուս երկրի նկատմամբ՝ երրրոդ երկրին զենք մատակարարելով, այս պահը որոշակի, գոնե, անուղղակի սահմանափակումներ դնենք»,-հարցրեց Մ. Մելքումյանը:

Շ. Քոչարյանը նշեց, որ կարելի է փորձել այդ ուղղությամբ գնալ, սակայն խոչընդոտները շատ լուրջ կլիենեն:

«ՀԱՊԿ-ում կա պայմանագրի մի դրույթ, որը հնարավորություն է տալիս ՀԱՊԿ անդամ պետությանը նույն զինատեսակները գնել ավելի մատչելի գներով և Հայաստանի դեպքում դա կիառվում է: Այդպիսի դրույթ մենք ունեն և՛ երկկողմանի՝ հայ-ռուսական համաձայնագրով, և՛ ՀԱՊԿ-ում: Եվ այս տեսակետից այն, ինչը մենք ձեռք ենք բերում, իհարկե, անհամեմատ է այն գների հետ, որոնք Ռուսաստանը վաճառում է երրորդ պետություններին»,-փաստեց ԱԳ փոխնախարարը: