Հինգշաբթի, 03 հուլիսի, 2025 թ.
|
Ստեփանակերտում`   +16 °C

«Բալասանյանը բռնել է մարգինալիզացիայի ուղին». Տիգրան Գրիգորյան

«Բալասանյանը բռնել է մարգինալիզացիայի ուղին». Տիգրան Գրիգորյան
475
Երեքշաբթի, 08 հոկտեմբերի, 2019 թ., 20:45

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Խորհուրդ ՀՀ իշխանություններին։ Էլ երբեք չարձագանքեք Բալասանյանի հայտարարություններին։ Նա իրեն շրջապատել է մարգինալներով և բռնել է մարգինալիզացիայի ուղին։ Այս բոլոր սկանդալային հայտարարությունների նպատակը ուշադրություն գրավելն է, ՀՀ իշխանություններին սադրելով, սեփական դերը բարձրացնելն է։ Սա, իհարկե, իր մարտավարությունը չէ, կողքից «օգնում են»։ Բայց 2020 թվականին ամեն ինչ իր տեղը կընկնի»:

Նշենք, որ Վիտալի Բալասանյանն այսօր լրատվամիջոցներից մեկի եթերում ասել է. ««Ցռան Վերգոյի» տպավորությունը Նիկոլ Փաշինյանինն է և իր կողմնակիցներինը, մենք ճանապարհ անցած մարդիկ ենք՝ անկախ մեր տարիքից, զբաղեցրած դիրքից և պաշտոնից, այսօր էլ մեր հնարավորությունները ներում են, որ, եթե ինչ-որ մեկն ահաբեկչական գործողություն անի թե՛ սահմանում, թե՛ երկրի ներսում, պատասխան կտա... Նիկոլ Փաշինյանն ու այդ ահաբեկչական խմբավորումը՝ «Սասնա ծռեր»-ը, մեկ ամբողջություն են, դա մեկ ահաբեկչական խմբավորում է, մեկը՝ զենքով, մյուսը գրիչով իշխանությունը բռնազավթել են»:

Կարդացե՛ք նաև