Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Ասում են՝ հերոսները պիտի մեռնեն ռազմի դաշտում, այլապես դառնում են անտանելի». Գեղամ Ասատրյան

«Ասում են՝ հերոսները պիտի մեռնեն ռազմի դաշտում, այլապես դառնում են անտանելի». Գեղամ Ասատրյան
354
Հինգշաբթի, 10 հոկտեմբերի, 2019 թ., 01:05

Պատմաբան, սփյուռքագետ Գեղամ Ասատրյանը ֆեյսբուքյան իր էջում գրել է. «Ժամանակին մի հայ մարդ, իմ խորին համոզմամբ սեփական փորձից ելնելով, ասել է՝ հերոսները պիտի մեռնեն ռազմի դաշտում, այլապես դառնում են անտանելի: Այս օրերին դրա ականատես ենք դառնում:

Տղերք, հեռու մնացեք քաղաքականությունից: Այլապես մեռնում եք սեփական ժողովրդի համար, այն ժողովրդի, որը դաստիարակվել է՝ ձեր սխրանքների մասին լսելով:

Ավելի մեծ վտանգ սեփական պետականության հանդեպ, քան ձեր ատելության խոսքն է, չկա: Ինձ համար կենդանի հերոս մեռել է այն ժամանակ, երբ Արցախում Բակո Սահակյանին պարտվելուց հետո ընտրությունները որակեց խայտառակ, բայց կարճ ժամանակ անց ստացավ պետպաշտոն: Երբ 2016-ին «փուռը տվեց» մարտական ընկերներին: Մեկ այլ կենդանի հերոս մեռավ, երբ ընդդիմադիրից դարձավ իշխանություն և լիովին փոխվեց կամ վերստին բացահայտվեց: Բազմաթիվ հերոսներ մեռան, երբ 2015-ին ուռա գոռալով միացան Գագիկ Ծառուկյանին:

Տղերք, հեռու մնացեք քաղաքականությունից, մի խանդեք այլոց: Դուք պատվով կատարել եք ձեր գործը, իսկ այսօր այն կարգերը չեն, որ լինեք քաղաքականության մեջ՝ պահպանելու սեփական ունեցվածքը: Ձեզ պետությունը կգնահատի ըստ արժանվույն, իսկ այ դուք վտանգ եք այս պահին պետականության համար. Հերոս էիք, բայց մեռաք...»: