Ադրբեջանն աջակցում է Սիրիայում Թուրքիայի ռազմական գործողությանը

Ադրբեջանն աջակցում է Սիրիայի հյուսիսում Թուրքիայի կողմից իրականացվող «Խաղաղության աղբյուր» ռազմական գործողությանը, փոխանցում է РИА Новости գործակալությունը՝ հղում անելով Ադրբեջանի ԱԳՆ հայտարարությանը:
«Վստահ ենք, որ, ինչպես հայտարարել է թուրքական կողմը, թուրքական զինված ուժերի կողմից իրականացված «Խաղաղության աղբյուր»-ն ուղղված է ռիսկի վերացմանը, հումանիտար խնդիրների լուծմանը, խաղաղության և համաձայնության ապահովմանը»,- ասված է հայտարարության մեջ: