Ալ-Քամիշլի քաղաքում պայթյուն է որոտացել

Սիրիական ՍԱՆԱ լրատվական գործակալության հաղորդման համաձայն՝ Հասաքե նահանգի Ալ-Քամիշլի քաղաքում պայթյուն է որոտացել։ Պայթել է կայանված մի մեքենա, կան զոհեր և վիրավորներ։

«Նախորդ գիշեր պայթել է կայանված փոքր բեռնատար մեքենան Ալ-Քամիշլի քաղաքում՝ Մունիր Խաբիբ փողոցում, որի հետևանքով զոհվել են մի քանի խաղաղ բնակիչ, կան նաև վիրավորներ»,-հաղորդել է ՍԱՆԱ-ի թղթակիցը:
Ալ-Քամիշլի քաղաքը և նրա շրջակայքն անընդմեջ ենթարկվում են Թուրքիայի կողմից հրետանային և հրթիռային ռմբակոծման: