Երեքշաբթի, 21 ապրիլի, 2026 թ.
|
Ստեփանակերտում`   +7 °C

«Խելոք սպասեք ձեր հերթին. «թավիշ սթայլը» հավերժ չի լինելու». Նինա Կարապետյան

«Խելոք սպասեք ձեր հերթին. «թավիշ սթայլը» հավերժ չի լինելու». Նինա Կարապետյան
269
Երեքշաբթի, 29 հոկտեմբերի, 2019 թ., 08:45

Հելսինկյան ասոցիացիա իրավապաշտպան ՀԿ նախագահ Նինա Կարապետյանը ֆեյսբուքյան իր էջում գրել է. «Հետսովետական Հայաստանում տեղի ունեցած ոճրագործությունների (Մարտի 1, Հոկտեմբերի 27, սուվերենության դեմ ուղղված տարբեր պայմանագրերի կնքում, իշխանության զավթում և այլն) ամբողջական բացահայտումը հնարավոր կլինի բացառապես միայն սուվերենության վերջնական կայացման պարագայում։

Ներկայիս ԱԱԾ-ի, դատախազության, վարույթ իրականացնող մարմինները ոչ թե չեն կարող, այլ ուղղակի չեն բացահայտելու Հայաստանում տեղի ունեցած հանցագործությունների ոʹչ իրական պատվիրատուների, ոʹչ իրական կազմակերպիչների և ոʹչ էլ իրական մասնակիցների ողջ ցանկը։

Ապացույց եք ուզո՞ւմ: Նայեք, թե ինչ գործեր բացահայտվեցին Արևելյան Եվրոպայում իրական անկախություն ձեռք բերելուց առաջ և հետո։ Ու մի բան էլ․ Հոկտեմբերի 27-ին Ազգային ժողովում ահաբեկչություն պատվիրած, իրականացրած, բացահայտումը կոծկած ուժերը բարոյական իրավունք չունեն որևէ մեկին մեղադրել «ահաբեկչական» գործողություններ կատարելու մեջ։

Դուք խելոք սպասեք ձեր հերթին, իսկ քրեակատարողական հիմնարկների հյուրընկալ դռները միշտ բաց են և սպասում են ձեզ․ «թավիշ սթայլը» հավերժ չի լինելու»։