Չորեքշաբթի, 20 նոյեմբերի, 2019 թ.
|
Ստեփանակերտում`   +1 °C

«Իմ ազատ խոսելու իրավունքը ձեր ոտին մի գրեք». Արմեն Աշոտյան

«Իմ ազատ խոսելու իրավունքը ձեր ոտին մի գրեք». Արմեն Աշոտյան
59
Երկուշաբթի, 28 հոկտեմբերի, 2019 թ., 16:25

Հանրապետական Արմեն Աշոտյանը սոցկայքի իր էջում գրել է. «Արտաքին գործերի նախարարի մեկնաբանությունները BBC-ին տված սկանդալային հարցազրույցի հետքերով, զավեշտալի են։

Նախարարը քաղաքական և հասարակական շրջանակների բուռն արձագանքը իր, մեղմ ասած, թույլ և անպատրաստ մեկնաբանություններին, վերագրում է Հայաստանում բազմակարծության և ժողովրդավարության գոյությանը։ Նախարարը չարամտորեն մոռանում է, որ մինչև իշխանափոխություն նման բազմակարծություն և ազատություններ «Սերժի Հայաստանում» վաղուց գոյություն ունեին։ Իսկ ընդդիմախոսներն այն ժամանակ չէին պիտակավորվում, ձվահարվում և հռչակվում «ազգի դավաճան»։

Ուստի, պարոն, իմ ազատ խոսելու իրավունքը և մասնագիտական պատրաստվածությունը ձեր ոտին մի գրեք։ Դուք դրա հետ նույնքան կապ ունեք, որքան ես Նիկոլի և իր թիմի բյուջեի հաշվին միլիոնավոր դոլարների հասնող կայֆերի հետ։

Մնացած բովանդակային կռուտիտները «Лёлик и Болик» մուլտֆիլմի մակարդակի են։ Բայց քանզի ասվում են ԱԳ նախարարի շուրթերով, ապա մոտ օրերս կրկին առանձին կանդրադառնամ Արցախի հարցում այս իշխանությունների կողմից որդեգրված «կարգավիճակ և անվտանգություն» թեզերի վտանգավորությանը։

Արցախի հարցում ստեղծված պայթյունավտանգ շիլաշփոթի մեղավորը Նիկոլն է։ Բայց արդեն ասել եմ նաև, որ «շալվար իջեցնողները» պակաս հրեշ չեն»։