«ԱՄՆ-ն նպաստավոր պայմաններ ստեղծեց Թուրքիայի քթից բռնելու համար». Տարոն Չախոյան

Բլոգեր Տարոն Չախոյանը ֆեյսբուքյան իր էջում գրել է. «ԱՄՆ ներկայացուցիչների պալատի կողմից Հայոց ցեղասպանությունը ճանաչող բանաձևի ընդունումը ոչ մեր սիրուն աչքերի համար էր, ոչ էլ ամերիակացիների ու մնացյալ աշխարհի:

Դա պարզապես մի քայլ էր, որով ԱՄՆ-ն աշխարհաքաղաքական նպաստավոր պայմաններ ստեղծեց Թուրքիայի քթից բռնելու համար, ավելի ամրապնդեց իր դիրքերը Թուրքիայի հանդեպ:

Այսուհետ, ԱՄՆ-Թուքիա հարաբերություններում անընդհատ շահարկվելու է այս հարցը, ու Թուրքայի ԱՄՆ-ի շահերից չբխող որոշումների դեպքում անընդհատ սպառնալու են Թուրքիային, որ կընդունեն Հայոց ցեղասպանությունը:

Սակայն միևնույն ժամանակ նշեմ, որ ԱՄՆ-ի կողմից Հայոց ցեղասպանության ընդունման գործընթացի սկիզբն արդեն տրված է, ու բացառել պետք չէ, որ 5, 10, 20 կամ 30 տարի անց ԱՄՆ-ն կճանաչի 20-րդ դարի առաջին ցեղասպանությունը:

Ինչևէ, ԱՄՆ ներկայացուցիչների պալատի կողմից Հայոց ցեղասպանությունը ճանաչող բանաձևի ընդունումը թեկուզ և բխում էր հենց ԱՄՆ-ի շահերից, բայց դա ի նպաստ մեզ էր, և քանի դեռ ԱՄՆ-Թուրքիա հարաբերությունները շարունակում են մնալ լարված, պետք է քաղել առավելագույնը»: