«Մի ուրվական է շրջում մեր երկրում՝ պոպուլիզմի ուրվականն է». Արտակ Զաքարյան
![]() 379 Հինգշաբթի, 31 հոկտեմբերի, 2019 թ., 12:20 ԱԺ նախկին պատգամավոր, ՊՆ նախկին փոխնախարար Արտակ Զաքարյանը ֆեյսբուքյան իր էջում գրել է. «Մի ուրվական է շրջում մեր երկրում՝ պոպուլիզմի ուրվականն է։ Ու այդ համատեքստում Ալեն Սիմոնյանն է փորձել իր «հեղինակավոր խոսքն» ասել՝ իբրև թե ի պատասխան Սերժ Սարգսյանի։ Ալեն ջան, չգիտեմ՝ ճիշտ եմ անում, որ անդրադառնում եմ քո գրառմանը, թե՞ ոչ։ Որովհետև թարսուշիտակ, շուռ ու մուռ տված խոսքերիդ անդրադառնալը գուցե և անհրաժեշտ չէր, բայց քանի դեռ պետական բարձրաստիճան պաշտոնյա ես հիշի՛ր, պետք կգա։ Հատկապես երբ, որպես միջխորհրդարանական հանձնաժողովի համանախագահ, ռուսների հետ հերթական հանդիպման ժամանակ ԵԱՏՄ-ի գովքն անելիս լինես։ Եթե ինչպես դու ես ասում, Սերժ Սարգսյանը կարողացել է միջազգային բարդ հարաբերություններում այնպես անել, որ «մեկ գիշերվա մեջ» ԵԱՏՄ մտնենք ու նաև ԵՄ հետ ՀԳԸՀ (հուսով եմ՝ գիտես ինչ հապավում է) ունենանք, ապա ձեզ մնում է միայն դասեր քաղել երկրի համար մտածող իսկական պետական-քաղաքական գործչից։ Ինչևիցէ, ձեր իշխանությունը պետք է այսօրվանից մտածի, թե ի՞նչ ժառանգություն է թողնելու հաջորդ իշխանությանը։ Մի պահ պատկերացրու, թե ի՞նչ եք դու և քո թիմակիցներն ապրելու, երբ ձեր մասին ձեր պես խոսեն կյանքում ոչ մի քար պետության պատին չդրած ջահելները՝ պոպուլիզմախառն ու անպատասխանատու։ Ի միջի այլոց, նկատի ունեցիր, որ շատ մարդիկ արդեն սկսել են բարձրաձայն խոսել ձեր թիմի որակների մասին, ու պատկերացնո՞ւմ ես, գոհունակության առիթներն արագ սպառվել են և եկել է դժգոհությունների հետ առերեսվելու ժամանակը։ Սա ձեզ պետք է վախեցնի։ Ինչ վերաբերում է վախին, ապա բոլորդ էլ վախեցեք Ալեն ջան, ամեն ժամ վախեցեք, բավական է ինչքան «դուխով» եք եղել։ Վախենալը հասունության, խելացիության և ուժի նշան է։ Իսկ քաղաքականության մեջ համարձակության, հերոսության, վճռականության ու իմաստության հետ մեկտեղ նաև վախերն են ստիպում մտածել ու գործել հանուն ավելի լավ ապագայի։ Հ. Գ. Ամենայն հարգանքով քո և յուրաքանչյուրի անձի նկատմամբ»։ |
«Իշխանական քարոզչամեքենաներով տարածվող լուրերն ինձ լռեցնելու նպատակ են հետապնդում». Միհրան Մախսուդյան
217Երեկ, 22:00«Նիկոլը լավ գիտի՝ ամենամանր «ճայթյունից» ինչ «հրդեհ» կարող է բռնկվել, ուստի բնում խեղդում է յուրաքանչյուր դրվագ». Արմեն Հովասափյան
134Երեկ, 20:54«Սրբազան Պայքարը շարունակվում է, քանի գոյություն ունի գոնե մեկ արժանապատիվ հայ մարդ». Լիդյա Մանթաշյան
225Երեկ, 20:42«ՀԷՑ-ի պետականացման որոշումը ճիշտ ռազմավարական քայլերից մեկն է». Սեդա Աղբալյան
277Երեկ, 18:56«Իշխանությունը թիրախավորել է ազնվականությունը և մասնավոր սեփականության իրավունքը». Վարդան Բալյան
280Երեկ, 18:42«Միեւնոյն զօրակցութիւնը կը ցուցաբերէի՞ք Հռոմի Պապին նկատմամբ որեւէ նման արտայայտութեան». ՀՅԴ
159Երեկ, 18:18«Եթե ամեն ինչ բացահայտել էր Աբազյանը, ինչո՞ւ հեռացրեցիք»․ Էլինար Վարդանյան
202Երեկ, 17:36«Աշխարհում չկա պետություն, որը լիարժեք ինքնիշխան որոշումներ է կայացնում»․ Սուրեն Սարգսյան
186Երեկ, 17:30