Կիրակի, 13 սեպտեմբերի, 2026 թ.
|
Ստեփանակերտում`   +25 °C

«Ադրբեջանական քարոզչամեքենան այս նկարն օգտագործում է սեփական հասարակությանը մոլորեցնելու համար». Կ. Հովհաննիսյան

«Ադրբեջանական քարոզչամեքենան այս նկարն օգտագործում է սեփական հասարակությանը մոլորեցնելու համար». Կ. Հովհաննիսյան
479
Շաբաթ, 23 նոյեմբերի, 2019 թ., 19:20

Քրդագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Իրանական դրոշի այրումը տեղի է ունեցել 2018թ. Իրաքի Բասրա քաղաքում, երբ ցուցարարները բողոքում էին Իրաքի իշխանության դեմ, և ըստ էության Իրանի հյուպատոսության շենքի վրա հարձակումը մտնում էր այն գործողությունների մեջ, որով առաջնորդվում էին ցուցարարները: Բայց արի ու տես, որ այսօր այս նկարն ադրբեջանական քարոզչամեքենան օգտագործում է սեփական հասարակությանը մոլորեցնելու համար: Այսօր այս նկարը պտտվում է սոցցանցերի ադրբեջանական տիրույթում հետևյալ մակագրություններով. «Հարավային Ադրբեջանում Իրանի դրոշը այրում են ոչ միայն ադրբեջանցիները, այլ քրդերը, արաբները և աղքատները... Սա նշանակում է, որ վերջ պարսկական իմպերիալիզմին...» և նմանատիպ այլ մեկնաբանություններ:
Հարավային Ադրբեջան են համարում Իրանի հյուսիսային հատվածը և, ըստ այդ տրամաբանությամբ, այս դրոշը այրվում է Իրանում, ինչը բացահայտ կեղծիք է»: