«2018-ին ինձ դիմեցին «Իմ քայլը» նախընտրական ցուցակի որոշ թեկնածուներ». Դանիել Իոաննիսյան

323

Երեքշաբթի, 17 դեկտեմբերի, 2019 թ., 15:50

«Իրազեկ քաղաքացիների միավորում» ՀԿ հիմնադիր, ծրագրերի համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «2018-ի նոյեմբերին ինձ դիմեցին «Իմ քայլը» նախընտրական ցուցակի որոշ թեկնածուներ և հարցրին, թե արդյոք որևէ խնդիր կա, եթե իրենք դրամահավաք անեն ու դրա գումարներն իրենց անունից մուտքագրեն հիմնադրամի հաշիվ:

Ես ասացի, որ դրանում առանձնապես խնդիր չկա, ժողովրդավարությանը վայել պրակտիկա է, բայց, ըստ Ընտրական օրենսգրքի, իրենք չեն կարող 5 միլիոն դրամից ավել մուտքագրել նախընտրական հիմնադրամի հաշիվ:

Այժմ վերահաստատում եմ՝ դրանում որևէ կոռուպցիա չկա: Ասեմ ավելին, այդ պրակտիկային դիմել են նաև այլ կուսակցություններ: Մենք նաև դրանում խնդիր չենք տեսել, երբ 2017-ի ընտրություններին դա անում էր, օրինակ, ՀՀԿ-ն:

Հ. Գ. Միանգամից ասեմ, որ դա նորմալ պրակտիկա է, երբ կուսակցություները և թեկնածուները մեզանից խորհուրդ են հարցնում: Տարբեր առիթներով դա արել են թե՛ Հայաստանի, թե՛ Արցախի և նույնիսկ Վրաստանի տարբեր ընտրությունների տարբեր ճամբարների թեկնածուներ»: