Հինգշաբթի, 06 օգոստոսի, 2020 թ.
|
Ստեփանակերտում`   +18 °C

«Մի հարայ-հրոց են սարքել, մի վայնասուն են բարձրացրել...». Լ. Եղիազարյան

«Մի հարայ-հրոց են սարքել, մի վայնասուն են բարձրացրել...». Լ. Եղիազարյան
198
Շաբաթ, 28 դեկտեմբերի, 2019 թ., 20:25

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Քոչարյանի աջակից, 5-րդ ալիքի «սեփականատեր» Արմեն Թավադյանը կալանավորված է: Սեփականատերը չակերտներով, քանի որ իրական սեփականատերը Քոչարյանն է:
Մի հարայ-հրոց են սարքել, մի վայնասուն են բարձրացրել՝ մամուլի վրա ճնշում, քաղաքական հետապնդում և այլն:
Այս մարդը երրորդ անգամ է հայտնվում ուշադրության կենտրոնում: Այս «անմեղ» մարդուն մեղադրանք է ներկայացված Վարդգես Գասպարիի աչքին շշով հարվածելու համար:
Այս «անմեղ» մարդը Արտաշատում գրասենյակ էր բացել և փողով մարդկանց էր հավաքագրում Քոչարյանին աջակցելու համար: Չէր վճարել գրասենյակի աշխատողների մի քանի ամսվա աշխատավարձը:
Այս «անմեղ» մարդուն «պատկանող» հեռուստաընկերությունը նույն կեղտոտ քարոզչական գործն է անում, ինչը 1999 թվին Հոկտեմբերի 27-ից առաջ անում էր Հանրայինը Տիգրան Նաղդալյանի գլխավորությամբ:
Ի դեպ 5-րդ ալիքի տնօրենը Նաղդալյանի նախկին տեղակալ, Հոկտեմբերի 27-ի գործով կասկածյալ Հարություն Հարությունյանն է»: