Հրապարակվել են Քենիայում ամերիկյան ռազմակայանի վրա հարձակման կադրերը

Լրագրող Սամիրա Սավլանին Twitter միկրոբլոգի իր էջում տեղադրել է Քենիայի Լամու շրջանում գտնվող ԱՄՆ ռազմածովային բազայի վրա իսլամական «Ալ-Շաբաբ» խմբավորման գրոհայինների հարձակման տեսանյութը:
Տեսանյութում երևում է, թե ինչ տեսք ունի ռազմածովային բազան հարձակումից անմիջապես հետո, ինչպես նաև՝ Հնդկական օվկիանոսի Լամու շրջանում գտնվող բազայից վեր բարձրանացող ծուխը:
Հարձակումը տեղի է ունեցել տեղական ժամանակով առավոտյան: Զոհերի և վիրավորների մասին առայժմ տեղեկություններ չկան:
Ըստ Լամու շրջանի հանձնակատար Իրունու Մաչարիայի՝ գրոհայինների հարձակումը հետ է մղվել: Ըստ տեղական ԶԼՄ-ների՝ քենիացի զինվորականները պատասխան գործողություններ են սկսել ահաբեկիչների դեմ: