Փենթագոնը չի բացառում ուկրաինական ինքնաթիռի պատահաբար հրթիռակոծումը

«Ուկրաինական միջազգային ավիաուղիներին» պատկանող Boeing 737-800 ինքնաթիռը, որը աղետի է ենթարկվել Թեհրանի մոտակայքում, պատահաբար խփվել է իրանի զինուժին պատկանող «Тор-М1» համալիրի կողմից: Այս մասին հայտարարել է Փենթագոնի ներկայացուցիչը:

Ըստ Փենթագոնի գնահատականի՝ միջադեպն, ամենայն հավանականությամբ, սխալմունքի արդյունք է եղել: Նշվում է, որ Իրանի հակաօդային պաշտպանությունը կարող էր գործի գցվել Իրաքում ամերիկյան ռազմաբազային հրթիռակոծությունից հետո:

Ընդ որում, ըստ Reuters-ի, ԱՄՆ-ն դիտարկում է ավիաաղետի մի քանի վարկած՝ այդ թվում՝ թե միտումնավոր, թե պատահական հարվածների վարկածը: