«Այն, ինչ տեղի է ունենում վերջին օրերին դատարանում, բնական ընթացք համարվել չի կարող». Հայկ Ալումյան
![]() 333 Երեքշաբթի, 14 հունվարի, 2020 թ., 14:45 «Դատարանը պետք է ապահովի նիստի բնականոն ընթացքը: Այն, ինչ տեղի է ունենում վերջին օրերին դատարանում, դա բնական ընթացք համարվել չի կարող, դատարանը իր դերում չէ: Մենք այնուամենայնիվ, հույս ունենք, որ դատարանն ամեն ինչ կանի, որպեսզի այսպիսի բաներ այլևս չկրկնվեն». հունվարի 14-ին դատական նիստից հետո լրագրողների հետ զրույցում ասաց Ռ.Քոչարյանի պաշտպանական խմբի անդամ Հայկ Ալումյանը: Նրա վկայությամբ՝ եթե դատարանը քայլեր չձեռնարկի նման դեպքերի կրկնությունը բացառելու համար, ապա իրենք կմտածեն, թե ինչ կերպ վարվեն, որպեսզի մտածեն գործի մասին և ոչ թե նրա, թե ով ինչ է ասում: Հարցին, թե ինչպե՞ս է վերաբերվում դատարանի այն եզրակացությանը, թե նախորդ նիստում հնչած արտահայտություններում սպառնալիք չկա, Հ.Ալումյանը հարցով պատասխանեց. «Եթե նույնը դատավորին ասեր՝ կրկին կպնդե՞ր, որ սպառնալիք չկա»,- ասաց պաշտպանը: Նա հիշեցրեց, որ նույն գործի շրջանակում նման միջադեպ էր տեղի ունեցել նաև 2018թ., երբ դատարանի շենքի մոտ հավաքվածներից մեկը սպառնալիքներ էր հնչեցնում պաշտպանների հասցեին: Այդ կապակցությամբ ինքը 2018թ. օգոստոսին դիմել է ոստիկանություն, ներկայացրել տեսանյութը: «Ոչ ոք պատասխանատվության չի ենթարկվել: Դա գործը քնեցնելու լավագույն տարբերակն է»,- ասաց Հ.Ալումյանը: Փաստաբանը նկատեց, որ վարքագծի առումով ավելի ադեկվատ վերաբերմունք պետք է ունենան նաև դատախազները: «Եթե դատախազները կարծում են, որ իրենց իրավական փաստարկների սղությունը կամ բացակայությունը կարող են կոմպենսացնել դատավարությունում այս ձևի մթնոլորտով ու մեր նկատմամբ այսպիսի վերաբերմունք հրահրելով, սխալվում են»,- նշեց Ալումյանը: |
ՏՀԿ գագաթնաժողովի հայտարարությունը չի արտահայտում անդամ բոլոր երկրների դիրքորոշումները. Իրանը հրապարակել է իր վերապահումները
5501:24Հրազենային վնասվածքով «Գյումրի» ԲԿ է տեղափոխվել ռուսական ռազմաբազայի զինծառայող
11500:36Ուկրաինան սկսել է Խարկովի մարզի 325 բնակավայրի բնակիչների տարհանումը
9500:26Կիևը 1 տրիլիոն դոլար է պահանջել Ուկրաինայի վերականգնման համար
12600:14Զելենսկին հրաժարվել է շարունակել բանակցությունները Ռուսաստանի հետ
136Երեկ, 23:56Իսրայելը ոչնչացրել է «Հեզբոլլահի» «գլխավոր հրետանավորին»
140Երեկ, 23:44«Արսեն Թորոսյանը ստում է՝ մոլորության մեջ գցելով ԱՄՆ-ի գործընկերներին». Էդմոն Մարուքյան
121Երեկ, 22:54«Նախկին դատախազն ասաց՝ իրենց համար հիմքն էական չէ, եթե կա ցուցում». Նաիրի Հոխիկյան
128Երեկ, 22:42