«Նա աշխատում է թափանցիկ ու ցինիկ». Վահրամ Թոքմաջյան

Պատմաբան Վահրամ Թոքմաջյանը ֆեյսբուքյան իր էջում գրել է. «Էսօր շատ խոսեցի, բայց էս էլ ասեմ։ Ռոբերտ Քոչարյանն անկեղծ է։ Ավելի քան անկեղծ։ Նա աշխատում է թափանցիկ ու ցինիկ։ Հստակ գործող ինստիտուտ ունի և իրեն համարում է համակարգի մասնիկ։ Դա շատ կարևոր է։ Հրապարակված նրա հարցազրույցը տեղավորվում էր օրեր առաջ հայտնի դարձած մի գրառման, որտեղ Փեսան պնդում էր՝ «սրանք մարդ չեն»։ Իսկ ի՞նչ է նշանակում՝ «սրանք մարդ չեն» դիսկուրսը նետել հանրային խոսույթ։ Եթե մարդ չեն, ուրեմն՝ ամեն ինչ կարելի է՝ ընդհուպ մինչև սարսափելին՝ ոչնչացում։ Միայն մարդն է բարձրագույն արժեք: Չմարդների հետ ամեն ինչ կարելի է: Իսկ Քոչարյանի «հարցազրույցը» բազմաթիվ առանցքային մեխեր ուներ: Այդ մեխերից՝ Փեսայի տրամախոսության շարունակությունն ազերիների հետ համեմատությունն էր: Թե ինչ է կարելի անել ազերիների հետ և ինչպես է դա նստած մեր գիտակցության մեջ, դա ես չէ, որ պետք է մեկնաբանեմ:
Մնացած ենթադրություններս ինձ կպահեմ:
Հույս ունեմ, որ չարաչար սխալվում եմ: Ոչինչ, թող ես լինեմ ֆեյսբուքյան հերթական՝ անհաջող կոնսպիրոլոգը, բայց հեղափոխությունը թող հաջողի»: