«Մահից մեկ ժամ առաջ եմ հետը խոսել». մահացած զինծառայողի դին բերում են Երևան

Հունվարի 30-ին մահացած զինծառայող Վահրամ Ավագյանի հարազատները նրա դագաղը Հայթաղ գյուղից մայրուղով բերում են Երևան՝ մինչև Զվարթնոց օդանավակայանի խաչմերուկ: Նրանք փակել են Երևան-Էջմիածին մայրուղին:

Լրագրողի հետ զրույցում նրա հորեղբոր որդին ասաց. «Ես էլ եմ Արցախում ծառայել, շատ բան եմ տեսել, աֆիցեր-զինվոր հարաբերությունները երբեք չեն կարգավորվի: Ես կասկածում եմ, որ սպա է կրակել, թե չէ չէին թաքցնի: Մինչև հրապարակ էլ կքայլենք, եթե մեր պահանջը չկատարվի, նորմալ քննութուն չիրականացվի»

Նշենք, որ քիչ առաջ մահացած զինծառայողի հարազատների եւ ոստիկանների միջեւ բախումներ տեղի ունեցան: