Դավիթ Տոնոյանն այս պահին զրուցում է մահացած զինծառայողի հոր հետ

Ինչպես արդեն հայտնել ենք, հունվարի 30-ին մահացած ժամկետային զինծառայող Վահրամ Ավագյանի հարազատները չեն հավատում նախաքննության ներկայացրած ինքնասպանության վարկածին: Նրանք զինվորի դին դագաղով ցանկանում են Հայթաղ գյուղից բերել Երևան: Սակայն ոստիկանները թույլ չեն տալիս առաջ շարժվել, Երևան-Էջմիածին ճանապարհը այժմ փակ է: ՊՆ նախարար Դավիթ Տոնոյանը քիչ առաջ այցելել է հարազատներին: Նա զրույց է ունենում զինված զինծառայողի հոր հետ:

Ավելի վաղ հայտնել էինք, որ 2020թ. հունվարի 30-ին՝ ժամը 13:15-ի սահմաններում, ՊԲ բանակային ուսումնական կենտրոնում, N զորամասի պարտադիր ժամկետային զինծառայող, շարքային Վահրամ Մկրտիչի Ավագյանն իրեն ամրակցված ԱԿՄ տեսակի ինքնաձիգից կրակոցներ է արձակել իր կրծքավանդակի շրջանում և ստացած հրազենային վնասվածքներով տեղափոխվել զինվորական հոսպիտալ, որտեղ ժամը 14:00-ին արձանագրվել է վերջինիս կենսաբանական մահը:
Դեպքի առթիվ առաջին կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով հարուցվել քրեական գործ, կատարվում է նախաքննություն: