#Microsoft-ը վտանգավոր է համարել Windows 10-ի թարմացումը

Microsoft-ը հետ է կանչել Windows 10-ի թարմացումը, որը խափանում է համակարգչի աշխատանքը, գրում է Windows Latest-ը։

Նշվում է, որ KB4524244 թարմացումը, որը թողարկվել էր փետրվարի 11-ին, սարքերի տարբեր անսարքությունների է հանգեցնում՝ համակարգիչների աշխատանքը դանդաղեցնելուց մինչև պարամետրերի կամայական փոփոխություններ:
Ընկերությունը ճանաչել է նոր թարմացումը որպես լուրջ խնդիր և հրապարակել է հրահանգներ այն հեռացնելու վերաբերյալ: Ծրագրակազմի մշակողները խոստացել են շտկել սխալն առաջիկայում: