«Բացահայտվա՞ծ են արդյոք Փաշինյանի ասած դավաճանները». Գորգիսյանը՝ Մարտիրոսյանին

«Քանի որ հազվադեպ ենք հյուրընկալում ԱԱԾ տնօրենին ԱԺ նիստերի դահլիճում, կուզեմ այսպիսի հարց տալ»,- դիմելով ՀՀ ազգային անվտանգության ծառայության տնօրենի պաշտոնակատար Էդուարդ Մարտիրոսյանին՝ ասաց ԼՀԿ-ական պատգամավոր Գևորգ Գորգիսյանը: «Վարչապետը կառավարության նիստում հայտարարեց՝ բառի բուն իմաստով դավաճաններ են եղել իրավապահ նախկին համակարգում, որոնք խոչընդոտել են կոռուպցիայի դեմ պայքարին: Բացահայտվա՞ծ են արդյոք այդ դավաճանները»,- հարցրեց պատգամավորը: Մարտիրոսյանն ասաց, որ դա ընթացիկ գործընթաց է. «Ինքնամաքրման գործընթացը պարբերական բնույթ է կրում, կմաքրվենք այն անձանցից, որոնք դավաճան են, հայրենասեր չեն ու արատավորում են սպայի պատիվը... Հենց տվյալներ ունենանք, կտեղեկացնենք»,- հավելեց ԱԱԾ պաշտոնյան: