Երեքշաբթի, 02 հունիսի, 2020 թ.
|
Ստեփանակերտում`   +14 °C

Ինչ են պայմանավորվել Պուտինն ու Էրդողանը Կրեմլում

Ինչ են պայմանավորվել Պուտինն ու Էրդողանը Կրեմլում
308
Հինգշաբթի, 05 մարտի, 2020 թ., 22:15

Ռուսաստանի Դաշնության նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի բանակցությունները Կրեմլում ավարտվել են։ Հանդիպումը տևել է 5 ժամ 40 րոպե։
Պուտինն ու Էրդողանը հանդես են եկել մամուլի ասուլիսով՝ հայտնելով, որ պայմանավորվել են դադարեցնել կրակը Իդլիբում։ Երկկողմ ստորագրված փաստաթուղթը ներառում է հետևյալ կետերը. բոլոր ռազմական գործողությունների դադարեցումը՝ սկսած մարտի վեցի կեսգիշերից, Ռուսաստանի և Թուրքիայի կողմից 6 կմ երկարությամբ անվտանգության միջանցք ստեղծելը Սիրիայում և մարտի 15-ից համատեղ հերթապահություն իրականացնելը М-4 մայրուղու երկայնքով:

«Մենք միշտ չէ, որ համաձայն ենք մեր թուրք գործընկերների հետ Սիրիայում տեղի ունեցող իրադարձությունների իրենց գնահատականի հարցում, սակայն ամեն անգամ դժվարին պահերին, հենվելով երկկողմ հարաբերություններում ձեռք բերված բարձր մակարդակի վրա, մեզ մինչ օրս հաջողվել է շփման եզրեր գտնել առաջ եկող խնդրահարույց թեմաների շուրջ և կայացնել ընդունելի որոշումներ: Այդպես տեղի է ունեցել նաև այս անգամ»,- ասել է Պուտինը: