Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Եթե ամսի 8-ին ընտրվել ես վարչապետ, ամսի 9-ին արդեն պետք է սահմանադրական փոփոխություններ անեիր». Հուսիկ Արա

«Եթե ամսի 8-ին ընտրվել ես վարչապետ, ամսի 9-ին արդեն պետք է սահմանադրական փոփոխություններ անեիր». Հուսիկ Արա
330
Երեքշաբթի, 10 մարտի, 2020 թ., 00:35

«Միշտ եղել է մտավորականների ստվար զանգված, որոնց գործը տվյալ իշխանությանը գովերգելն է: Կա մտավորականների փոքր զանգված, որոնք բացահայտ քննադատում են իշխանության թերացումները, բացթողումները, և նրանք ավելին են անում այդ իշխանության, պետության համար, քան՝ մշտապես գովերգողները»,- «168 ժամ»-ի եթերում ասել է բանաստեղծ Հուսիկ Արան:

Անդրադառնալով ապրիլի 5-ին կայանալիք հանրաքվեին՝ բանաստեղծն ասել է. «Հայաստանի թիվ մեկ խնդիրը Հրայր Թովմասյանը և այդ դատավորները չեն, ժողովրդի մեծ մասը տեղյակ էլ չէ դրանից, իր առօրյա մտածմունքների մեջ ՍԴ-ն չկա: Երբ ասում են՝ ահա, պետք է ազատվել նախկին իշխանության մնացուկից, նախկին իշխանության դրածո է նույն դատախազը, նախագահը, իսկ ամենամեծը, որ մնացել է՝ Տիգրան Մուկուչյանն է: Նույն այսօրվա իշխանությունները նախկինում ասում էին՝ ընտրակեղծարարություններ են եղել, և այլն, հետևաբար, ըստ նրանց խոսքի՝ երկրի թիվ մեկ թշնամին Տիգրան Մուկուչյանն է: Դու նրան պահել ես, որ հիմա էլ քեզ համա՞ր նկարի: Դու առաջինը հենց այդ ինստիտուտը պետք է փոխեիր: Եթե ամսի 8-ին ընտրվել ես վարչապետ, ամսի 9-ին արդեն պետք է սահմանադրական փոփոխություններ անեիր, դու եկել ես և սուպերվարչապետությունն ես մերժել: Այսինքն՝ Սերժ Սարգսյանի վրայով և Հրայր Թովմասյանի ձեռքով կարված կոստյումը Նիկոլ Փաշինյանն է այսօր հագնում, և շատ լավ նստում է վրան: Հիմա ի՞նչ է նշանակում՝ Հրայրին փոխում ես, բայց նրա գրած Սահմանադրությունը դու պահում ես, սա է ամբողջ խնդիրը»:

Մանրամասները՝ տեսանյութում:

«Ս. Սարգսյանի վրայով և Թովմասյանի ձեռքով կարված կոստյումը Փաշինյանն է այսօր հագնում, և շատ լավ նստում է վրան». Հուսիկ Արա