«Եթե անգամ ըստ արժանվույն չգնահատվի, Նիկոլն առնվազն նրան կների». Նարինե Մկրտչյան

Մամուլի ազգային ակումբի նախագահ, «Քաղաքական լիգայի» համակարգող Նարինե Մկրտչյանը ֆեյսբուքյան իր էջում գրել է. «Արամ Զ. Սարգսյանն ակտիվ ներգրավվել է «Այո»-ի քարոզարշավում: Թավշյա հեղափոխության ընթացքում, Նիկոլ Փաշինյանի հետ նույն դաշինքում՝ «Ելք»-ում գտնվող Արամ Զ. Սարգսյանը չմասնակցեց «Մերժի՛ր Սերժին» կարգախոսով ծավալվող հեղափոխությանը, արդարանալով, թե չի հավատում հեղափոխության հաղթանակին: Նիկոլ Փաշինյանը նրան դա չներեց:
Արամ. Զ. Սարգսյանը որոշել է այս անգամ նույն սխալը չկրկնել, և այժմ կարող է մեծ ակտիվությամբ «Այո» քարոզել: Ողջամիտ որոշում է. իշխանության հետ լինելն ավելի ձեռնտու է: Ով-ով՝ «Հանրապետություն» կուսակցության նախագահ Արամ Զ. Սարգսյանը դա լավ գիտե: Հայաստանում, ով մեկ անգամ իշխանության, այն էլ՝ բարձրագույն իշխանության մաս է կազմել, դա երբեք չի մոռանում:
Եթե անգամ ըստ արժանվույն չգնահատվի, Նիկոլն առնվազն նրան կների հեղափոխության օրերի կրավորական կեցվածքը: Թեպետ ներել չի նշանակում՝ մոռանալ»: