#COVID_19 կորոնավիրուսով վարակվածների թիվն աշխարհում 113․769 է

890

Չորեքշաբթի, 11 մարտի, 2020 թ., 14:10

Համաձայն ՉԺՀ առողջապահության հարցերով պետական կոմիտեի տվյալների՝ երկրում գրանցվել է կորոնավիրուսի 80.778 հաստատված դեպք: Ամբողջ աշխարհում վարակվածների թիվը, ըստ SCMP-ի, գերազանցել է 117․769-ը: Առողջապահության համաշխարհային կազմակերպության տվյալներով, Չինաստանից դուրս հայտնաբերվել է 32,778 վարակակիր, իսկ օրվա ընթացքում հաստատվել է 4105 նոր դեպք, վարակը հայտնաբերվել է 109 երկրում (մեկ օրվա ընթացքում ավելացել է Թուրքիան և Բոլիվիան): Չինաստանից դուրս կորոնավիրուսից մահացել է 872 մարդ: Ամբողջ աշխարհում կորոնավիրուսի վարակի արդյունքում ապաքինվող մարդկանց թիվը գերազանցել է 65.8 հազարը, հայտնում է Չինաստանի Առողջապահության ազգային հանձնաժողովը: 4,292 մարդ մահացել է COVID-2019-ի հետևանքով առաջացած բարդություններից։

Մեծ Բրիտանիայի առողջապահության փոխնախարար Նադին Դորիսը վարակվել է COVID-2019 կորոնավիրուսով: Ըստ Դորիսի, այն բանից հետո, երբ կորոնավիրուսի թեստը ցույց է տվել դրական արդյունք, նա համաձայն նախազգուշական միջոցառումների՝ ինքնամեկուսացել է տանը:

Հռոմի Սուրբ Պետրոս տաճարի հրապարակը այցելուների համար փակ կլինեն մարտի 10-ից ապրիլի 3-ը՝ որպես կորոնավիրուսի տարածման դեմ պայքարի մի մաս: Նոր սահմանափակումները ազդեցին ոչ միայն զբոսաշրջիկների, այլև Վատիկանի աշխատակիցների վրա:

Չինաստանը խոստացել է Իտալիային մարդասիրական օգնություն ցուցաբերել՝ նոր տեսակի կորոնավիրուսի դեմ պայքարի համար: