«Ասում են՝ մի երկու ամիս էլ ձգենք, մերոնք գալու են». Նիկոլ Փաշինյան

Ինչպես հայտնել էինք, սահմանադրական հանրաքվեի «Այո»-ի քարոզչության շրջանակներում Նիկոլ Փաշինյանը հանդիպում է անցկացնում ջերմուկցիների հետ: Խոսելով կառավարության կողմից իրականացվող հակակոռուպցիոն ծրագրերի մասին՝ հայտարարեց. «Արդյո՞ք ես կասեմ, որ էսօր պաշտոնյաները կաշառք չեն վերցնում, իհարկե չեմ ասի. որովհետև ամեն շաբաթ պաշտոնյա ենք բռնում կաշառքի վրա, ու ի՞նչ պետք է անենք, որ սրան վերջ տրվի: Այս հանրաքվեն նաև դրա մասին է, որ կոռուպցիոն համակարգի մնացորդներն ամեն տեղ հույս ունեն, ասում են՝ լավ, հեսա մի երկու ամիս էլ ձգենք, մերոնք գալու են: Ձերոնք նենց հեռու են գնացել, ժողովուրդը նենց հեռու ա ուղարկել, որ լույսի արագություն էլ բացեն, չեն կարա հետ գան: Ուղղակի խնդիրն էն ա, որ նյարդային այս մթնոլորտը շարունակվում է, ու քանի դեռ ՍԴ համակարգի հարցը չի լուծվել, շարունակվելու է»,- ասաց Փաշինյանը: